Hier is iets wat iemand vir my aan gestuur het, dit bring n' bietjie heimwee. Dit is n' minder bekende gedig van D.J.Opperman, getiteld Arendvlug, ek hoop dit roer die hart-snare:

Hier, vasgegrendel in sy enig kou,
Het hy, stil-hunkerend, jare deurgedroom;
En voor die hok wat hom gevange hou,
Het dag `na dag die lewe heengestroom.
Hy was al moeg, sy gees reeds vlou en tam,
Toe uit die bulte daar `n roepstem kom,
En heimwee gloei in elke aar van hom,
Wyl wilde drif in arendsoë vlam.

Hy's vry! Hy's vry! Wyd welf die hemelboog,
Groot en gewyde vrede dra sy hart;
Daar knal `n skoot, en duiselig dwaal sy oog
Oor afgronddieptes, eindeloos en swart...
hy val en val, maar Vryheid span sy vlerk,
Swaarvleulend styg hy opwaarts in die swerk*




*Lug.

Ons ou volkie het nie hulle toevlug hierheen na die suideland, ons eie Suideland aangepak, om net hier ten gronde te moes gaan nie.

Ons nasie, was, en is nog altyd kern gesond en goed vir die Afrika grond. Maar een ding ontbreek, en dit is ons geloof in `n enige God, wat berge op en oor vlaktes heen, ons voor ouers se voete daar gerig het, ons het hom heeltemal verlaat, en bekoor geword, op stemme van mense wat groot skares om hulle heen trek en selfs skeiding bring tussen man en sy vrou.

 Nee man, laat staan dit en ook die roers en die getwis onder mekaar, en neem jou kruis op my vriend, bevind jouself op Sionsmure, die heilige stad, want jy kan, Afrikaner seun en dogter, die Heilige stad is binne in jou, nie in `n Predikant, wat vleitaal spreuk nie, maar binne in jou hart van verstand, ja dit is daar, en op geen ander plek nie, en die weg daartoe, is gevind in Deutronomium 30 vanaf vers 6 tot 20 hierdie is nie woorde geskrywe in `n sogenaamde "Bybelsetaal", wat net `n Dominie kwansuis kan lees nie, deur hy daartoe opgely is nie, dit praat direk tot jou hart*, my vriend. As jy die stem van God hierin kan hoor, gaan en doen dit gou! Soos nooit tevore, gaan Eendrag Mag Maak vir die wat dit sal glo en ook so doen

* Emanuel, wat beteken, God in die mens

Ons Here Jesus seun jou, asook elke besluit wat jy van hieraf aan gaan neem.

Seëngroete in die Kersgety vir jou en almal wat lief en dierbaar is vir jou.

Van Andre Hartslief

Met Beste Wense

Hierdie een is net vir jou, Jy wat gereeld hierdie blad van my besoek.

 Elisma spreek haar hart aan en soms, net soms in die veeleisende en snelle gejaag na wind, soos die Bybelse digter dit noem, word ons lewens naak voor ons harte en gewetens geplaas. Geniet hierdie lus vir oog en oor, my vriend, en mag dit vir jou en jou dierbares 'n lig wees voor julle voete,

Tot wederom,
Andre' 

http://youtu.be/Xbbp5phqBaE

Winter is koud. Winter is naar en ongenaakbaar, maar dan is daar ook ‘n misterieuse ‘stilte’ rondom Winter. Winter laat my soms dink aan ‘n gesprek wat jy met jouself het. Winter laat my dink, beplan – of soms herbeplan. Ek dink Winter probeer iets doen, maar is nie seker hoe om dit te doen nie, daarom verkies hy om in ‘stilte’ dinge te doen. Hy bekruip jou en ‘pynig’ jou met sy koue. Winter is soos ‘n ‘boelie’ wat mooi is, so mooi dat jy hom vergewe dat hy jou ‘boelie’. Geniet die Winter – as jy in ‘n land is waar dit nou Winter is! Geniet die sonskyn waar jy nou Somer het! Geniet die liedjie van Johan van der Watt: Straatfluitjie wat so bietjie ‘warmte’ gee met sy pragtige stem.

STRAATFLUITJIE VIR DIE MET ERGE HEIMWEE

WINTER

Nou lê die aarde nagtelang en week in die donker stil genade van die reën, en skemer huise en takke daeliks bleek deur die wit mistigheid en suising heen. Dis alles ryk en rustig van die swaar geheime wasdom wat sy paaie vind deur warm aarde na elke skeut en blaar, en ver en naby alles duister bind in vog en vrugbaarheid en groot verlange; tot ons ’n helder middag skielik sien die gras blink, en die jong graan teen die hange, en weet dat alle rus die lewe dien: hoe kon ek dink dat somer ryker is as hierdie groei se stil geheimenis? -N P van Wyk Louw

Ons Taal Is "Sexy"

Gehoor op RSG n' paar dae gelede (luister na di potgooi) n' jong Rus Efgeni Artimov, wat Suid Afrika to wou kom vir werk, het besluit of eers die taal Afrikaans onder die knie te kry voor sy vertrek uit Moskou

. Hy het toe verskeie inligtingsbronne geraadpleeg en het werklik uitnemende resultate beryk met in begrip van sinsforming en uitspraak.In n' geredigeerde onderhoud met hom, was dit heel aangemaam, on sy vertolking en waardering van ons, haas, kwynende geliefde taal te hoor. Na gelang van die ondervraer se vraag oor sy ongewone belangstelling, gegewe die feit dat hy toe uiteindelik tog nie hier voet aan wal gesit het,antwoord hy toe so"Ek het intussen, n' ander betrekking bekom in Moskou, maar ek het julle pragtige taal so geniet, dat elke dag luister na RSG en veral na die aanbieding; Die tale wat ons praat, en daarbenewens, lees ek gereeld Afrikaanse boeke ook. "Vir my, as n' Afrikaanse man sy moedertaal spreek, dan klink dit ferm en uiters manlik, en daarinteen, as n' afrikaanse vrou, ongeag haar ouderdom dit spreek, klink dit vir my soo "sexy" Voorwaar, n' riem onder die hart, vanuit die vreemde, Baie dankie Efgeni

 Katja dink ook so, luister na haar lied, klik op>  SEXY